دكتور مرسي غير ثوري وكان إصلاحي والمرحلة كانت تريد رجل ثوري.
كلمة بسمعها كتير وأراها تعبر عن عدم قراءة صحيحة بالمرة.
دكتور مرسي بثورية رجع مجلس الشعب فهاجمه جميع من يتكلم عن الثورية وطالبوه
بتنفيذ القانون.
الشاب الأمور اللي دلوقتي قاعد حاطط رجل على رجل وقتها قعد يشرب الكافيه لاتيه
وقطم قطمة من المارشميلو وراح فاتح التابلت وكتب بوست يقول فيه إن مرسي لا
يحترم القانون. والبرادعي هاجمه وصباحي وابوالفتوح وكل الناس.
دكتور مرسي بثورية شال طنطاوي فهاجمه جميع من يتكلم عن الثورية وقالوا أن
الإخوان إتفقوا مع حماس للإطاحة بطنطاوي ليأخونوا الجيش.
الشاب الكيوت راح ضارب التشيز كيك بالبلوبيري وراح فاتح الماك برو وراح كاتب
بوست بيقول فيه إن مرسي بيأخون الجيش وقتل العساكر علشان يشيل طنطاوي
ويجيب السيسي الإخوان.
طيب فاكر الإعلان الدستوري المكمل بتاع طنطاوي. وقتها نزلنا مظاهرات دعم
الرئيس علشان نقوم بثورية بالإطاحة بالإعلان الدستوري. نزلت كل المظاهرات
وقتها
وكانت فاضية ومحدش بينزل يثور علشان المرحلة عايزة ثورية.
لكن وقتها الشاب الكوول راح الكافية إختار ترابيزة جانب الفيشة علشان بطارية
اللاب
توب فصلت علشان يدخل على الفيسبوك وهو بيشرب موكا أيس بلينديد ويكتب إن
مرسي رئيس بلا صلاحيات. الإخوان لازم يكونوا ثوريين.
طيب فاكر لما كل الناس قالت يا مرسي عايزين ثورية وتطهير القضاء والنائب العام
وحش. أيوة وييحييييش. دكتور مرسي غير النائب العام وحصن مجلس الشورى من
القضاء الفاسد المطلوب تطهيره بثورية وأعطى لنفسه صلاحيات ثورية حتى يستطيع
أن يثور ضد الفساد.
وقتها كل القوى السياسية وقفت ضده ونزلوا التحرير والبلد ولعت وحملوه النتيجة
وطالبوا بإرجاع النائب العام وإلغاء الإعلان الدستوري الثوري.
ووقتها الشاب الثوري حط الشوكة جانب الطبق بعد ما خلص الكاروت كيك وراح
فاتح
الآي فون وكتب إن مرسي عمل نفسه إله وحصن قراراته وجاب نائب عام ملاكي.
يسقط يسقط حكم المرشد.
دكتور مرسي كان ثوري جدًا وغالبية الناس اللي كانت بتطالبه بالثورية كانت ضده
في كل قرار ثوري.
الإخوان مطلوب منها تثور لوحدها. تنزل تسيب شغلها لوحدها وتثور لوحدها والناس
تتفرج عليها.
كل واحد يقول لك الإخوان مكنوش ثوريين. طيب وحضرتك بتعمل إيه؟ لا أنا ورايا
شغل.
البلد فيها 90 مليون واحد. الإخوان لو مليون ليه ال 89 مليون مسمعوش كلام
الثوريين
الأبطال ونزلوا خلصوا الليلة ومسمعوش كلام الإخوان الإصلاحيين الوحشين.
طالما كل الشعب ثوري كده وحلو. والأسد أبو إسماعيل كان بيقول يالا ننزل نخلص
بثورية. والناس كلها مقتنعة بالثورية إلا الإخوان.
طيب منزلش ليه ال 89 مليون خلصوا الموضوع ومسمعوش كلام الواحد مليون
الوحشين؟
كل واحد قاعد عايش حياته ويدخل يكتبله كلمتين ثوريتين ويحس إنه كده أبو الأبطال.
كتبه
يوسف عبدالباقى فهمى
0 التعليقات:
إضغط هنا لإضافة تعليق
إرسال تعليق
Blogger Widgets