عمار مطاوع : دي نتيجة تفجير قنبلة متوسطة القوة ضد مبنى المخابرات في في بيشاور بعد فض اعتصام المسجد الأحمر وقتل الأطفال والنساء في الجامع في باكستان . شايفين المبنى بقى عامل إزاي؟؟ وخلي بالك دي قنبلة متوسطة القوة م اللي بتتعمل في بير السلم .. مش حاجة خطرة خطرة يعني .. ده بس رد على الهبل اللي بيقال عن الإرهاب في مصر .. تلاقيه جايبلك يافطة محل متكسرة وشوية كراتين مولعة .. ويقولك هجوم انتحاري! دا حتى في سينا اللي المفروض عندهم إنها معقل الإرهاب .. يجيبلك صور شوية عساكر ما فيهمش لوا ولا عقيد واحد حتي .. ويقولك سيارة مفخخة ! يعني الإرهابيين اللي قتلوا رئيس الجمهورية نفسه في التمنينات .. جايين النهاردة يموتوا عساكر بس .. ما فيش حتي صف ظابط ؟!! يقولك عملية إرهابية ضد الكنيسة نفذها اثنين ملثمين كانوا راكبين تروسيكل ومعدين في الشارع !! عملية إرهابية بتروسيكل !! ما سمعناش إن بنت عقيد في الجيش اتخطفت .. ولا ابن وزير اتقتل ! ما شوفناش بيت ظابط اتحرق ولا سفارة انضرب عليها أربي جي حتى ! ما شوفناش فيديو مسرب لعملية خطف جنود في مقابل الإفراج عن معتقلين إرهابيين !! احترموا عقول الناس شوية .. دا حبيب العادلي لما حب يعمل تمثيلية في كنيسة القديسين .. عمل انفجار هدم نص الكنيسة وقتل 25 واحد !! جايين النهاردة تعملوا عملية إرهابية بتروسيكل !!
0 التعليقات:
إضغط هنا لإضافة تعليق
إرسال تعليق
Blogger Widgets