اصدقائي و انا وسائق التاكسي

نزلنا الجيزة يوم السبت الماضي 26 / 10 / 2013  ومن ميدان الجيزة استقلينا تاكسي ولف بنا السائق كثيرا ثم فوجئت اننا امام جامعة القاهرة وبدأ الحوار معه فقلت له انت ليه مش اخذت الشارع ده على طول ليه اللف الكتير ده فقال الشارع ده مقفول من ورى واشار لنا الى الدبابات وقال وده مقفول واللي بيودي للمديرية مقفول هما لازم يدوخونا عشان يعرفوا يحكمونا فقلت له كل ده عشان السيسي يحكم فقال الله يخرب بيت السيسي دا ابن تييت هم ليه يقفلوا شارع الجامعة ما دامت انت على حق من حقك انك تتظاهر مش ده حق قالت له اه ده السيسي انا ماشفتش راجل بيأيده كل حريم فقلت عشان مفيش راجل قال مفيش راجل يحكمهم الله يخرب بيوتهم لخبطوا دماغنا ده حتى المخدرات مبقتش تأثر في دماغنا انا عايز اشيل دماغي واركب سفنجة يمكن تشفط حاجة وسفنجة بتاعت الغسيل عشان فيه حته كده عشان متبظش ومررنا على عربات للشرطة ناقلة جنود وعربات ترحيلات فقال صديقي طبعا دول وقفين هنا على طول فقال له اه ومقضيينها على سفلئه على المطاعم هنا اكل وشرب ببلاش وسألنا انتم اخوان والا سيسي ؟؟ فقلنا احنا مؤيدين للشرعية فقال احسن 

" من هنا الحوار كما تم بالنص حسب التسجيل حيث بدأت اسجل له اما اعلاه فهو مختصر ما دار بيننا وحسب ما اتذكره "  

ــــ وجاءت سيرة لاخوان
فقال:- 
ـ، عايزين يقنعوك ان الناس دي ارهابيين وشياطين واولاد تييييت 
ــ ياجدع انا عندي حتتي 80 % اخوانكلهم ناس فوق الــ فوق الميه في الميه مش ميه ميه فوق الميه في الميه يعني مش ميه ميه بس لا دا فوق الميه ميه كمان يعني متلقيش عليهم غلطة ناس محترمة جدا انا مش اخوان انا مش تبع الاخوان ولا الاصدقاء حتى بس انا شايف ان كده صح انت فاهم بس 
ــ انا مواطن مصري عادي منتميش لاي شئ  انتمائي لبلدي بس انا شايف ان بلدي مبتديش حق الناس بس خلاص مش بلدي ككيان بلدي كحكومة الكيان موجود الكيان مبيتغيرش انما الحكومة هي اللي بتتغير وللاسف ربنا بيوعدنا بناس بنت تيييت للاسف زي ما يكون ربنا بينتقم مننا والله 

ــ رد صديقي : - اهي كلها ذنوب بتتكفر . 

ـ فقال اه والله انا بحسبها كده انا حسبها كده . عارف انت لما تبقى راجل بتخاف ربنا وتيجي شويه كده تحود تمشي غلط وبعد كده تيجي ربنا يقرص فيك انت تقعد تحمد ربنا وتشكره وتبقى فرحان عارف ليه ؟ بيخلص منك . بينهي اخطائك اللي انت عملتها , احنا انا بعتبرها انا كده , انا بعتبر اللي احنا فيه ده الجوع والفقر والتعب والبهدله وقلة الكيان 

ــ قاطعه صديقي قائلا : - وقلة الادب 

فقال : - قلة الادب دي منشار , ثم تابع , اقسم لك بالله ثم مسك المصحف وقال وكلام ربنا ده , وقال ده مصحف مش شيشني كده زي ما السيسي ما بيعمل وتابع والله العظيم اقسم لك بالله والله العظيم امبارح وقفتني لجنة ادام القصر العيني الفرنساوي " ثم اخرج لنا ايصال قد اعطاه له امين شرطة في اللجنة " وتابع قائلا :- عشان يبقى كلامي صح عشان انا حلفت بالمصحف وقال رخصة العربية دي منتهيه بقالها خمس شهور ليه لان البنوك مبتديش جوابات فيه مشكلة بين الحكومة والبنوك بسبب رخص العربيات البيضة راح موقفني امبارح 

 ـ قال رخصك قلت له اتفضل الرخص اركن على جنب ركنت على جنب راح مديني قال ادفع 40 جنيه قلت له ليه قال مخالفة بص " وهو يشير للوصل " شوف عمل لي مخالفة ايه وقرأ ما في الايصال تكاليف استخدام الكلبش قال يعني انا كنت واقف في الممنوع وهو كلبش العربية وعشان يفك لي العربية خد 40 جنيه شفت فيه ظلم اكتر من كده فيه اكتر من كده 

ــ الموضوع موضوع رخص وهو حولها في حته تانيه 

ــ فقال : - انا بقول له يابيه اكتب لي اسباب السحب ايه ؟؟ انت سحبت منى الرخص اكتب لي الاسباب قال لي خد دي وامشي وانت ساكت قلت له رجعتوا تاني قال لي ولسه مرجعناش احنا كده ولسه انا بقول له ايه انتم رجعتوا تاني قال لي دا احنا كده ولسه مرجعناش يعني هيقلعونا اللـ تييييت اه والله والله العظيم وانت ماشي في الشارع هيوقفك ويقول لك اقلع هدومك ياض عد من واحد لميه على رجل وحده هيعذبونا متنساش برضه ان هم اتهزقوا وطلع تيييييت هيرجعوا بقى اوسخ من الاول تاني 

ــ هو بقى السيسي بيعمل ايه بيعيد ما كانت الدولة عليه ايام مبارك هو بيعيدها تاني حسبي الله ونعم الوكيل حسبي الله ونعم الوكيل مقدرش اقول اكتر من كده 

ــ قال صديقي :- هتقول اكتر من كده ايه ؟؟

فقال : - مفيش اكتر من كده حسبي الله ونعم الوكيل بتسلم بتقول لربك سبحانه وتعالى انت بقى انت هات لي حقي وتسائل : هو فيه اكتر من ربنا سبحانه وتعالى فرددت لا طبعا 

ــ فقال صديقي احنا عملنا الثورة 

ــ فقاطعه السائق قائلا متقلش ثورة 

فقال صديقي انا اقصد 25 يناير 

فقال : - متقلش برضه ثورة دي مش ثورة اوعى احقاق لحق انا كنت بسميها احقاق للحق احنا طول عمرنا بيطلع عين ابونا بقالنا 30 سنة بنتسرق وبنتهان وبنتحبس وبنتبهدل وبيطلع عين امنا والتخين فينا لما بيتكلم باخد على قفاه فده كان ايه " يقصد 25 يناير " ان ربك سبحانه وتعالى بيعيد الحق تاني الحق للشعب تاني مش ثورة لو كانت ثورة كان زمانا دلوقتي بنافس امريكا في الثلاث سنين دول كان زمانا طلعنا كنا البلد الخامسة مثلا اقتصاديا حتى على الاقل 

ــ قاطعه صديقي قائلا :- كانت البلد كلها اجتمعت على فقاطعه السائق على حاجة معينة  وكان زمانا دلوقتي بقى خطى بنت جنية ومشيين والبلد دي بقت نعيم زي ما كنا متخيلين انا كنت فاكر بقى اني همشي في وسط الشوارع دي كلها جناين وورد انا كنت فاكر كده والله وايه بقى من كتر الفلوس مش هنلبس بناطيل بجيوب هنمشي بشوله الفلوس كتير تارينا هههه يا نهار ابيض اتاريك بتتفتش بالطريقة 

ضحكنا جميعا فقال اااااااااه هما بيجيبوا رجلك بس في الاول تعالى تقول لي ثورة ياعم الحج ثورة مين اللي يطول منكم يطلع بره يطير والله العظيم يبقى راجل غلطلان اللي ربنا يكرمه بسفريه بره وميسفرش بره يبقى راجل غلطان اقسم لك بالله فرصة سعيدة يا رجالة واثبتوا على ما انتم عليه اه بكلمك جد والله لازم تثبت هيدونا على قفانا وهنتضرب وهنتظلم بس اثبت وربك كريم 

فقلت له :- على فكرة متفائلين خير اوي يعني بربنا سبحانه وتعالى وطول ما فيه ناس زيك كده فقاطعني قائلا ادعوا ربنا سبحانه وتعالى يارجاله يارب يارب فقلت له علق املك بالله ربنا ييسر لك الحال وافترقنا 

I'm reading: اصدقائي و انا وسائق التاكسي

قسم : مقالات