- تتكلم عن الفساد وملاحقة الفساد، على طول يطلعك سبعين واحد محلل، اللى بشنب واللى من غير شنب.. يقلك، " مصر اولاً"...!!
- تتكلم عن محاسبة من سرقوا اموال مصر، وجعلوا أكثر من ثلثيه فقراء، و2 مليون طفل شوارع، 7 مليون عانس، وشباب فى الاربعين عاحز عن الشباب، يطلعولك بردوا يقولك، " متقلش ادتنا ايه مصر..."...!!
- تتكلم على البطالة، وان ربع شباب مصر يائس، وما بيصحاش من النوم الا بالليل، يقلك " ظروف المرحلة معندناش موارد مع ان فى ناس بتاخد ملايين ....!"
- تتكلم عن الديمقراطية، وان الشعب فى جزر القمر وكينيا وموزمبيق بيخيار رئيسه، ويحترم صناديق الانتخاب، يقلك " لازم نحمى مصر من المؤامرات ودى مرحلة حرجة"...!!
- تتكلم عن العدالة الاجتماعية يقلك منقدرش علشان الخبراء ميهربوش مع ان الخبراء دول هم سبب خراب مصر من 30 سنة ولو هربوا يبقا فرصة عظيمة .....!!!
- تتكلم...وتتكلم....والمبرراتيه الفشلة والحرامية تلاقيهم جاهزين بالردود وشنباتهم طالعه نازله...وعلشان كدا كان امل الملايين بالثورة - يناير والرئيس الجديد- مرسى- ...!!!
المشكلة دولت انك مش تعرف حتى تتكلم....!!
لان دا يعتبر موامرة، وخطر على الامن القومى...!!
اتفرج على المسلسل ولا ماتش الكوره ونام بدرى والاحسن ما تتعاش لانه خطر على الصحه...!!!
قسم : مقالات
0 التعليقات:
إضغط هنا لإضافة تعليق
إرسال تعليق
Blogger Widgets